Et tönen de Leeder

Niederdeutsche Texte für 111 Volkslieder

von Lisa Kleeth

Vörwuurt

De hier vörliggen Sammlung von Volksleeder inne
plattdüütschen Sprak is nich ierst von mi andacht worden.
All min Größing Emma Seemann (1878-1955) un nahst ok min
Mudding Annemarie Pietschmann (1906- 1996), geb. Seemann,
hebben giern Volksleeder sungn un oft eins mit ´n eigen
plattdüütschen Text. Nu ierst, in de drüdde Generation, heff
ick allens upschräben un ergänzt.

För den Utdruck un de Schriwwis´ heff ick in´n Wüürd´bauk
von W o s s i d l o / T e u c h e r t (Band I -VII 1996) nahslagen.
Bi de Recherchen tau de Geschicht´ von de Volksleeder heff
ick ´ne fründliche Tauarbeit von Dr. Jürgen Dittmar,
Volksleedarchiv * Freiburg / Breisgau, hatt.

Leeder sünd ´t, de mit ehr´ Ranken
Johr för Johr min Läben söömt
un as Frünn´ all´ min Gedanken
lud´ un lisen sachten schöönt.

Villichten dreggt diss´ Sammlung mit bi, dat Nedderdüütsch
un dat Volksleed bäten deiper inne Harten tau planten

denn:
"Wie de Oll´ hebben sungn, so twitschern giern de Jungn!"

In´n Lentmaand 2003

Bauernhaus in Karnin